Gjykata e Shkallës së Parë Sarandë, ka caktuar masën e sigurisë “arrest me burg” për Edison Vyzaj, autor i plagosjes së Taulant Beqirit, në një hotel në Ksamil.
Gjithashtu “arrest me burg” trupa gjykuese ka caktuar edhe për shtetasin italian Makaëitage Perera,24 vjeç, i cili akuzohet për veprat penale, “Prodhimi dhe shitja e narkotikëve, si dhe “Veprime që pengojnë zbulimin e të vërtëtës”.
Për 27 vjecarin që mbeti i plagosur është dhënë masa e sigurisë “Arrest shtëpie” për veprën penale” Mos kallëzim krimi” dhe “Prodhim dhe shitja e narkotikëve”.
Gjatë seancës gjyqësore të tre personat kanë dëshmuar se ngjarja ka ndodhur aksidentalisht.
Ngjarja ndodhi mbrëmjen e 13 gushtit. Tre të rinjtë po qëndronin bashkë në një dhomë hoteli në Ksamil. Në rrethana të paqarta mbeti i plagosur 27-vjeçari Beqiri. Policia sekuestroi armën si dhe një sasi lëndë narkotike kanabis në dhomë.
