Arrestohet autori i plagosjes me armë, që ndodhi paraditen e sotme në Durrës. Policia e Durrësit ka arrestuar shtetasin Augert Zera 35 vjeç, duke sekuestruar dhe armën e zjarrit.
Si nisi ngjarja?
Ngjarja e rëndë filloi si pasojë e zhurmave të krijuara gjatë punimeve në banesë, të cilat janë bërë shkak për plagosjen e punonjësit Altin Sulku, 42 vjeç ku gjatë paradites së sotme për motive të dobëta Augert Zera 35 vjeç, fqinj i pallatit ngjitur ka nxjerrë armën duke e plagosur në këmbë Sulkun.
Policia raporton se përplasja mes dy personave ka nisur për shkak se prej disa ditësh po bëheshin punime të cilat kanë shqetësuar Augert Zera, pasi i ka lënë pa gjumë fëmijët. Kaq ka mjaftuar që ai të marrë armën dhe të plagosi në këmbë një prej tre punëtorëve. Fatmirësisht punonjësi 42 vjeç ka marrë ndihmën e parë dhe është jashtë rrezikut për jetën.
Nga ana tjetër banorët e zonës jashtë kamerave shprehen se të dy personat nuk janë problematikë, por situata u përkeqësuar për shkak të debatit.
