Policia në Fier ka vënë në pranga një 27-vjeçar i cili ka plagosur me thikë dy vëllezër. Ngjarja ka ndodhur në fshatin Fermë Çlirim ndërsa autori është arrestuar në flagrancë.
Ngjarja dyshohet se ka ndodhur për motive të dobëta, ndërsa të plagosur kanë mbetur D. S., 32 vjeç dhe E. S., 38 vjeç, banues në Fermë Çlirim, Fier, të cilët morën mjekim në Spitalin Rajonal Fier.
Materialet i kaluan Prokurorisë pranë Gjykatës së Shkallës së Parë Fier, për veprën penale “Plagosje e rëndë me dashje” dhe “Mbajtja pa leje e armëve të ftohta”.
