Plagosi para katër ditësh me thikë bashkëshorten e tij, ka dalë para gjykatës këtë të shtunë 73 vjeçari, Ndrue Prenga.
Bëhet me dije se Prenga ka deklaruar se ngjarja ka ndodhur aksidentalisht dhe motiv për këtë ka qenë një konflikt për një çelës të shtëpisë.
73 vjeçari ka thënë para gjyqtarit Arben Micko, se plagosja ka ndodhur gjatë përleshjes së momentit që ai ka pas me bashkëshorten.
“Ngjarja ka qenë aksidentale dhe konflikti ka ndodhur për një çelës dere. Ajo ka qenë duke larë enët dhe në debat e sipër jemi zënë. Gjatë konfliktit kemi ardhur vërdallë nëpër shtëpi. Gjatë rrokullisjes ka ndodhur edhe vetëplagosja e saj, pasi më parë më foli me fjalë shumë të pista”, është shprehur 73 vjeçari.
