Efektivi i FNSH, Lutfi Gjyli që plagosi mbrëmjen e djeshme me armë 60-vjeçarin në zonën e ish-Kombinatit nuk është në gjendje të mirë shëndetësore për të dëshmuar rreth ngjarjes, pasi mbrëmë ai u kap nga policia në gjendje të dehur.
Gjithashtu as i plagosuri, i cili ndodhet në Spitalin e Traumës nuk ka dhënë dëshmi për shkak të gjendjes së tij. Mësohet se 60-vjeçari vuan nga probleme të shëndeti mendor.
Sherri ka nisur jashtë ambienteve të lokalit, ndërsa dyshohet të ketë nisur për shkaqe banale.
Kjo është ngjarja e dytë e shënuar brenda pak orëve mbrëmjen e djeshme në kryeqytet, ku protagonistë kanë qenë efektivët e policisë. Në Komisariatin Nr.3., pas një sherri banal efektivi 25-vjeçar Ludjan Zaimi qëlloi me armën e shërbimit kolegun e tij Çaush Saliasi, 55 vjeç.
Ky i fundit ndërroi jetë rrugës për në spital.
Për dy ngjarjet e ndodhura mbrëmjen e shkuar, AMP ka ngritur dy grupe të posaçme hetimore për zbardhjen e ngjarjeve ku janë të përfshirë punonjës policie.
