Mediat kanë shkuar sot pranë shtëpisë së 31-vjeçarit Gert Shehu. I riu dhunoi dje kryetarin e Partisë Demokratike Sali Berisha, në protestën e opozitës. Ai e qëlloi me grusht liderin historik, duke e gjakosur në fytyrë. Fqinjët e 31-vjeçarit me origjinë nga Tepelena, thanë se ai ka qenë i sëmurë dhe se konsumonte lëndë narkotike. Megjithatë sipas tyre nuk ka qenë problematik.
“Normal u sillte, na fliste të gjithëve, na respektonte. I rregullt ishte, pinte drogë, hashash, edhe nga ato të tjerat, konsumonte shumë gjëra. Nuk e dimë, vetëm shteti mund ta rregulloj, ai ishte besimtar. Në lagje nuk ka qenë problematik. Punonte motorist” u shpreh një banor.
“Ai ka qenë i sëmurë. Është me origjinë nga Memaliaj. Ai duket që është i sëmurë mendor. Këta njerëz karikohen nga fjalët”– tha një tjetër.
