738 mjekë janë pezulluar nga puna në Itali pasi ende nuk janë vaksinuar kundër koronavirusit.
“Ne vlerësojmë se në total duhet të jenë rreth 0.3% e numrit total të mjekëve që ende nuk e kanë marrë vaksinën. Rrezikoni të mos punoni më. Mos e hidhni diplomën e mjekësisë në një nga momentet më emergjente kur kontributi juaj është kaq i rëndësishëm”, tha Filippo Anelli, president i Fnomceo, i cili pati edhe një apel ndaj këtyre personave.
Fillimisht u pezulluan 936 mjekë, por 208 prej tyre ndryshuan mendjen dhe pranuan të marrin vaksinën ndaj koronavirusit, e cila në Itali është bërë e detyrueshme për këtë kategori që nga prilli i këtij viti.
Nga 15 tetori, italianët duhet të dëshmojnë vaksinimin, test negativ, apo shërim nga sëmundja për të hyrë në vendet e punës, si në sektorin publik ashtu edhe privat. Për ata që prezantohen në punë pa certifikatën shëndetësore, parashikohen gjoba nga 400 deri në 1 mijë euro. Shkarkimi nuk do të jetë i mundur, por dot ketë pezullime dhe ngrirje të pagës. Masa nxiti reagime të ndryshme.
