Një kaos total në tregun e fluturimeve shqiptare ka shkaktuar pezullimi i licencë së kompanisë Ernest Airlines.
Drejtori i Aviacionit Civil Krislen Keri tha se ditën e sotme janë nisur nga Tirana 3 avionë me udhëtarë drejt Italisë.
“Ka qenë ditë intensive dhe pas insistimit të vazhdueshëm nga ana e Autoritetit të Aviacionit Civil Shqiptar kompania rreth orës 17:30 ka firmosur një kontratë vetëm për ditën e sotme për tre avionë shtesë, dy sapo u larguan drejt Veronës dhe Milanos dhe një është në pritje në Verona që pritet të largohet në drejtim të Milanos në 9:20. Gjitha kjo në përpjekje për të mbrojtur qytetarët. Stafi i “Fly Ernest u largua nga aeroporti se qytetarët ishin të revoltuar”, është shprehur Krislen Keri.
Keri shpjegon se sfidë do të mbetet edhe dita e nesërme nuk ka asnjë njoftim nga kompania, nëse do të ketë fluturime nesër nga Tirana drejt Italisë.
“Pas firmosjes së kontratës së sotme ne kemi kërkuar llogari për ditën e nesërme. Kompania minimalisht ka për detyrë të çojë pasagjerët në destinacion deri në datë 13 janar. Autoriteti italian do të rishprehet me 13 janar nëse do të vazhdojë operimin ose jo. Deri atëherë duhet të kryejë fluturimet”, ka shtuar drejtori i Aviacionit Civil.
Ndërkohe, i pyetur dhe për rastin e kompanisë “Adria Airëays”, Keri ka thënë se rasti i saj ishte më i butë pasi ajo ishte në partneritet me disa kompani të tjera, të cilat pas falimentimit të Adrias morën përsipër transportin e udhëtarëve të saj.
“Rasti i Adrias ishte dëshim i një kompanie, më i butë po themi pasi ata ishin në partneritet me kompaninë Stars Airlines, dhe pasagjerët fluturuan me kompanitë e tjera. Ndërkohë, me kompaninë Fly Ernest është më ndryshe. Ajo është një kompani italiane e shkeputur nga kompanitë e tjera dhe nuk ka partnerë. Vetmë ajo mbulonte 18 % tegut të fluturimeve nga Shqipëria, pra rreth 550 udhëtarë. Por tregu shqiptar i Aviacionit Civil është rregulluar dhe ne meqë jemi në mes të Europës do të zgjedhim kompanitë më të mira për qytetarët tanë”, ka thënë më tej Krislen Keri.
