Bashkia e Tiranës ka hartuar një kalendar të ngjeshur aktivitetesh në ditën historike të Konferencës së Pezës.
Me anë të një postimi në Facebook, kryebashkiaku Erion Veliaj bën me dije se gjatë paradites do të ketë shfaqje cirku dhe do të tregohen përralla për fëmijë në natyrë.
Festa do të kulmojë në orën 20:00 të mbrëmjes ku dhe do të mbahet koncerti i madh festiv me pjesëmarrjen e Internacional Clandestine Orchestra, Mannarino si dhe të Olen Cesarit, që me tingujt e mrekullueshëm të violinës do të elektrizojë pjesëmarrësit.
“Peza N*Fest rikthehet si destinacion i promovimit të vlerave e traditave të bukura shqiptare dhe sigurisht, të muzikës së mirë! Aktivitete për çdo moshë në Parkun e Pezës me Olen Cesari, International Clandestine Orchestra, Mannarino, PeterPan Quartet dhe DJ Minimim. #ShifnaNPezë. Ju presim më 16 shtator 2017, argëtim dhe muzikë pa fund”, shkruan Veliaj në Facebook.
