Banorë, vizitorë madje edhe turistë të huaj në Berat vijojnë firmosjen e peticionit kundër vendimit të Gjykatës Administrative e cila refuzoi shpalljen e malit të Tomorrit si zonë të mbrojtur.
Që prej ditës së shtunë deri më tani, janë siguruar qindra firma pro mbrojtjes së vlerave natyrore të malit të Tomorrit, miratuar me vendim qeverie si Park Kombëtar.
Të angazhuar në mbrojtjen e pasurive natyrore, krahas promovimit të atraksioneve turistike janë edhe të rinjtë e Smile Albania, në qarkun e Beratit, në guidën e të cilëve, mali i Tomorrit është nga më të frekuentuarit dhe me interes gjithnjë e në rritje për tu vizituar nga turistët.
