Ambasadori gjerman në Tiranë Peter Zingraf ka deklaruar se mbështet zgjatjen e afatit të organeve të Vettingut. Zingraf thekson se reforma në drejtësi është vendimtare për aspiratat e Shqipërisë lidhur me anëtarësimin në Bashkimin Evropian, ndërsa shprehet se opozita dhe qeveria duhet të bashkëpunojnë për sundimin e ligjit.
“Procesi i reformave në sektorin e drejtësisë është vendimtar për aspiratat e Shqipërisë lidhur me anëtarësimin në Bashkimin Evropian. Verifikimi i gjykatësve dhe prokurorëve është një element kyç në këtë kontekst. Ndaj për vendin është shumë e rëndësishme që mandati i institucioneve të pavarura dhe përgjegjëse të vetingut, i cili përfundon në qershor, të zgjatet, në mënyrë që procesi i verifikimit të përmbyllet sa më shpejt. Qeveria dhe opozita kanë përgjegjësinë e përbashkët për të rritur sundimin e ligjit duke u mundësuar kështu qytetareve dhe qytetarëve shqiptarë të ecin më tej në rrugën drejt Bashkimit Evropian,“ shkruan ambasadori.
Kuvendi ka miratuar më herët seancën e 10 shkurtit për zgjatjen e organeve të Vettingut. Ky vendim nuk u prit mirë nga opozita, pasi PD kërkoi ndërhyhet sa më pak në Kushtetutë dhe se zgjatja e afateve të Vettingut po bëhet përmes një procesi të njëanshëm.
