Pesë ditë në izolim/ Përfundon devijimi i Shkumbinit, nuk dihet kur do të nisin punimet për rrugën –

Sipas të dhënave zyrtare nga Autoriteti Rrugor Shqiptar (ARRSH), gjatë mbrëmjes është përfunduar devijimi i shtratit të lumit Shkumbin, i cili kishte prekur trasenë hekurudhore dhe paraqiste rrezik për infrastrukturën. Gjithashtu është realizuar ndërhyrja për heqjen e një shtylle elektrike që pengonte operacionet.

Rruga e përkohshme synon të mundësojë rikthimin e qarkullimit në këtë aks, ndërkohë që paralelisht do të vijojnë procedurat për zgjidhjen përfundimtare të segmentit të dëmtuar.

Prej të shtunës, qarkullimi në aksin rrugor Librazhd-Prrenjas, pjesë e Korridorit VIII, është ndërprerë. Izolimi i pazakontë ka shkaktuar probleme të panumërat për banorët e zonës të cilët janë të privuar nga shërbimi shëndetësor, ndërsa lëvizja përmes rrugëve dytësore po rrit çdo ditë koston e udhëtarëve por edhe të furnizimeve ushqimore.

gijotina.com/