Pas përplasjes së një anije cisternë me një anije transporti mallrash përballë bregdetit lindor të Kinës, 32 njerëz janë shpallur të zhdukur dhe dyshohet të kenë humbur jetën.
Mësohet se anija cisternë Sanchi, e cila transportonte 136 000 ton naftë iraniane, mori flakë. Ministria kineze e transportit tha se 30 iranianë dhe dy shtetas të Bangladeshit janë shpallur të humbur nga kjo anije e regjistruar në Panama.
Autoritetet kineze thanë se anija cisternë po digjet dhe nuk mund të ndërhyhet për shkak të rrezikshmërisë së lartë. Përplasja mes dy anijeve ndodhi rreth 160 milje detare larg portit të Shanghait. Tashmë kanë nisur hetimet për të zbuluar shkakun e përplasjes tragjike.
