Banorët e Rrogozhinës kanë protestuar ditën e sotme pasi siç ata thonë se ndjehen të kërcënuar nga ujërat e lumit Shkumbin që ju shkatërron të mbjellat dhe kërkojnë riparimin e argjinaturave.
Pamjet e marra me dron nga përmbytja e fundit si pasojë e daljes nga shtrati të lumit Shkumbin tregojnë dhjetëra hektarë tokë të përmbytura në zonën e Rrogozhinës.
“Sa herë që do vijë lumi ne vetëm përmbytemi, e gjithë bujqësia është në dorë të zotit. Ne duam, ujë, rrugë dhe argjinaturën për të na mbrojtur nga përmbytja”, thonë banorët.
Është hera e katërt për këtë vit që tokat e fshatit Kalush përmbyten nga ujërat e lumit Shkumbin. Banorët druhen se një ditë lumi do të përmbytë edhe banesat që janë jo më larg se 20 metra nga argjinatura.
