Ish-deputeti i PD për Durrësin, Oerd Bylykbashi ka reaguar për përmbytjet mëngjesin e sotëm në qytetin bregdetar duke akuzuar qeverinë e Ramës.
Duke publikuar pamje nga qyteti, ish-deputeti demokrat, Oerd Bylykbashi shkruan se qytetarët e Durrësit do reagojnë me votë ndaj barbarisë mbi qytetin.
“Ajo që mbetet është lumi i baltës që mbulon prej vitesh rrugët e Durrësit sa herë bie shi. Durrsakët do t’i kujtojnë me neveri “punën” dhe “veprat” e Partisë Socialiste në 20 vite qeverisje të qytetit, nga tetori i vitit 2000 deri me sot. Nuk kanë si t’i harrojnë vrragat që barbaria e periudhës së Dakos la në fytyrën e qytetit. Por durrsakët nuk do ta harrojnë Dakon dhe ata që e pasojnë si kukulla, që i ka vënë me dorën e tij pikërisht Edi Rama. Me 25 prill 2021 durrsakët do t’i bëjnë “respektet” e fundit me votë kryehajdutit që qeveris vendin dhe bandës së tij që grabit Durrësin,” shkruan ai.
