Kreu i qeverisë Edi Rama iu është bashkuar homazheve në Bulevardin Dëshmorët e Kombit për katër të rënët e 21 Janarit. Në homazhe kanë qenë pjesë dhe familjarët e katër të vrarëve, të cilët ende ndjejnë dhimbje për humbjet e tyre. Pas homazheve Rama ka preferuar që të largohet në heshtje drejt zyrës së tij, pa dhënë asnjë koment për mediat.
Ziver Veizi, Faik Myrtaj, Hekuran Deda dhe Aleks Nika u vranë në protestën e 21 Janarit të vitit 2011, në kohën kur PS-ja kërkonte që të vinte në pushtet, dhe ankohej për votat që i ishin vjedhur.
Familjarët e tyre me kalimin e viteve kanë humbur besimin te drejtësia, dhe kanë preferuar që të qëndrojnë larg vëmendjes së mediave, ndërkohë qeveria iu ka akorduar atyre 500 mijë euro si shpërblim.
