Ka përfunduar rinumërimi i votave për 11 kuti të Lezhës në Komisionin Qendror të Zgjedhjeve.
Nga ky rezultati i ri mësohet se Eduart Ndocaj, i cili bëri edhe ankimimin, në njërën nga kutitë e rinumëruara ka marrë një votë më shumë nga rezultati i parë.
Ndërkohë, në një kuti tjetër ka marrë 3 vota më shumë, kundrejt Ndreut. Kështu Ndocaj nga rinumërimi ka marrë gjithsej vetëm 4 vota më shumë nga rezultati që kishte.
Kujtojmë se dy ditë më parë, me një kërkesë të depozituar në KQZ, edhe Partia Demokratike kërkoi që të kishte materialet zgjedhore, kërkesë kjo që iu mohua në një pikë, atë të pjesëmarrjes në votime.
Materialet zgjedhore, sipas KQZ, do të dorëzohen më vonë pranë Arkivit të Shtetit, dhe me pas i takon këtij institucioni të vendosë nëse do t’jua vendosë në dispozicion palëve të interesuara.
Kështu PD nuk do të mundë të verifikojë nëse rezultojnë votues edhe persona që në 30 qershor nuk kanë qenë tek qendrat e votimit.
