Ka përfunduar pak minuta më parë mbledhja e Shtabit të Emergjencave në Bashkinë e Tiranës në lidhje me raportimin e verifikimeve të situatës në terren pas tërmetit.
Veliaj shprehet se është bërë një menaxhim i jashtëzakonshëm i situatës nga strukturat shtetërore dhe vendore ndërkohë ndjehet i lumtur me lajmin e hapjes së shkollave ditën e nesërme.
“Menaxhim i jashtëzakonshëm i situatës pas rënies së tërmetit nga trukturat shtetërore dhe vendore. Në Ndroq dhe Kashar, familjet po i rikthehen normalitetit. Lajmi për paralajmërimin e tërmeteve të fuqishme para mesnatës së mbrëmshme ishte kriminal lumtur që hapen shkollat nesër. Vetëm shkolla në Allgjatë do të mbyllet përkohësisht. Fokusoheni tek ndihmat me ushqime dhe batanije për qytetarët e dëmtuar. 456 banesa janë përllogaritur si të dëmtuara pjesërisht. Ndërkohë që kërkoj nga autoritetet përgjegjëse të kthehen në terren dhetë kontaktohen të gjithë jerëzit mbi situatën”, tha Veliaj.
Ndërkohë drejtoresha e Çerdheve në Tiranë, Zhaneta Beqiri, bëri me dije se se nuk ka pasur dëme serioze në institucionet që ajo drejton ndërsa theksoi se dëmet janë riparuar.
“Nuk ka pasur dëme serioze në shkolla dhe çerdhe. Aty ku janë konstatuar janë riparuar dhe janë gati për nesër. Ndërsa do të ketë takime sensibilizuese me fëmijët e shkollave 9-vjeçare për të kaluar traumat post tërmet”, tha Beqiri.
Ndërkohë Arbër Mazniku tha se Pallatet Sovjetike në Kombinat nuk kanë problem strukturore përveç çarjes së mureve.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
