Ka përfunduar mbledhja e Këshillit për Rregulloren, Mandatet dhe Imunitetin, për heqjen e imunitetit të zv.kryeministres Belinda Balluku, kërkesë e Prokurorisë së Posaçme, që i hap rrugë arrestimit të saj.
Mbledhja u mbyll pa marrë një vendim dhe pa caktuar një datë për vijimin e shqyrtimit të çështjes.
Ndërkohë Partia Demokratike ka kërkuar që takimi i ardhshëm të mbahet në 22 dhjetor.
Nga ana tjetër Partia Socialiste ka kundërshtuar pasi insiston që kjo mbledhje të shtyhet për në muajin janar, ndërsa SPAK kërkon që mbledhja të zhvillohet nga maksimumi 3 deri në 5 ditët e ardhshme.
Sakaq, mbrojtja e Ballukut ka kërkuar 3 javë kohë për t’u njohur me dosjen, me pretendimin se dosja është voluminoze.
Po ashtu, prokurorët kanë sqaruar se materiali i USB-së mund të aksesohet vetëm nga anëtarët e Këshillit të Mandateve, ndërkohë që Prokuroria ka dhënë gjithashtu dakordësinë që edhe avokati i Ballukut të njihet me provat.
