Perëndimi ka premtuar miliarda dollarë për Sirinë.
Premtimi është bërë në ditën e parë të konferencës së donatorëve në Londër.
Gjermania tha se do të japë 2.6 miliardë dollarë, ndërsa Mbretëria e Bashkuar 1.7 miliard.
Shtetet e Bashkuara, ndërkohë premtuan 925 milionë dollarë.
Shumica e tyre do të shkojnë për ushqim dhe strehim.
Qëllimi i konferencës së donatorëve është të mbledhë 9 miliardë dollarë për refugjatët.
Megjithatë, konferenca për mbledhjen e ndihmave ka mbetur në hije për shkak të ndërprerjes së bisedimeve për paqe midis qeverisë dhe opozitës siriane.
