Nga Hamdi Skeja!
Me ndenjën njerëzore sigurisht më dhembi, por ka një zanafillë edhe kjo, dhe madje e ka prej vitesh që quhet:
Pranim i shtypjes nga Qeveria!
Në çdo vend Demokratik, studentët bëjnë revulucione, kurse këtu bëjnë patronazhimin ndaj qeverisë. Natyrisht jo të gjithë, por e bëjnë.
Në Qeverisjen e Rames kanë ndodhur shumë padrejtësi, shumë çudira, e tashmë asgjë nuk më bën përshtypje!
Fotografia e kapur nga një i quajtur “gazetar” si “Shoqëri Civile” që e shikon duke protestuar me IGPTI-stat, që i lëpihet çdo mikut të Rames bëri jehonë sot.
Nejse! Sepse kamoflimi i individit në rolin e “Heroit” dhe “viktimës” është në modë tashmë!
Këtu nuk bën dot ndarjen e tufës se kush “dele” është me zgebe dhe kush jo. Madje nuk ndajmë dot se kush është delja e bardhë, dhe kush ajo e zeza.
E thënë më troç; nuk njohim se kush është e/i lirë dhe kush është e/i kapur dhe i kamur nga Qeveria.
Njoh plotë të tillë që punojnë për x apo y qeveritar dhe bëjnë zhurmë sikur po sulmojnë.
Ajo që është ulërimë dihet, u pa:
Studentet i nxorën në rrugë.
Por unë nuk do eci me turmën, as me politikat e llumta të Rames.
Thelbi është i qartë: -Studentet në këtë vend kanë pranuar shtypjen. Dhe kjo shtypje ju ka kushtuar jo pak.
Sa herë kanë ulëritur “gjoja” për padrejtësitë? E kush i përçante pastaj?! Aty brenda llojit të tyre.
Nuk do merrem shumë gjatë, pasi kam pas një ditë të lodhshme, por, deri kur Studentet të ngrihen dhe ti rikthejnë dinjitetin e tyre të shitur qeveria do vazhdoj ti shtyp.
Madje do luaj kukafshatasi sa herë të duan ata.
Thirrja ime është shumë shpirtërore:
-Ose ngrihuni, ose ikni.
Studentet në vende Demokratike marrin fatin në duar, por jo duke u ulur në rrugë! As duke u pllaçaritur në lot. Por duke u ngitur për të marr me forcë atë që ta rrëmbejnë nga duart padrejtësisht!
Sot o kurrë, pasi nesër kur ne t’ju presim si e ardhmja e vendit, do të jetë shumë vonë!
