Pensionistët dhe ‘Lëvizja Bashkë’ kanë dalë përsëri sot para Kryeministrisë për të kërkuar rritjen e pensioneve, dukë akuzuar qeverinë dhe kryeministrin Edi Rma se po mashtrojnë dhe gjithshçka që ata po thonë për këtë shtresë nuk është veçse propagandë. Ata shprehen se pensioni nuk u del as për ilaçe e ushqimet e shportës, duke akuzuar qeverinë për korrupsion e vjedhje.
“Më keq se sot nuk do të bëhemi. Të mblidhemi dhe ta rrëzojmë me votë”, tha një pensionist.
“Edi Rama na ka mashtruar që në 2013. Do bëj shëndetësinë falas, do bëj shumë gjëra falas, deri tani s’ka bërë gjë. Unë për mendimin tim duhet t’i themi Edi Ramës të mos tallet me ne”, tha një tjetër pensionit.
Ndërsa një i moshuar u shpreh: “Kërkojmë të drejtat tona dhe nuk ka bërë vaki që të mblidhen kështu pensionistët. Sa më shumë koha të kalojë aq më shumë të do të intensifikohet protesta së bashku me ‘Lëvizjen Bashkë’”.
