Ish arbitri dhe biznesmeni italian Davide Pecorelli është bërë i gjallë sërish dhe kësaj radhe ka postuar një foto ndërsa në sfond ka katër thasë të cilat pretendon se janë të mbushura me monedha floriri nga thesari Montecristo-s.
Në foto, Pecorelli shfaqet me të njëjtën kapele të cilën kishte vënë kur u paraqit në prokurorinë e Perugias.
“Nuk është fotomontazh” saktëson sipërmarrësi dhe ish-arbitri, i cili rikthehet për të folur pas disa muajsh reflektimi. “
Fotot janë shkrepur në një garazh në Porto Santo Stefano, tashmë në kontroll të Prokurorisë Publike që po heton 46-vjeçarin për marrjen e monedhave në vitin 2019 në Sovana. Më 29 mars, Pecorelli u mor në pyetje në Perugia për 4 orë pas letër-porosisë ndërkombëtare, të Prokurorit Publik të Pukës.
Sipas tij, hetuesit insistuan veçanërisht t’u tregonte emrin dhe mbiemrin e priftit që ai thotë se e ndihmoi t’i vinte zjarrin makinës e të sajonte vetëvrasjen. Davide Pecorelli, shpreson që në vendin tonë t’i shpëtojë gjobës, edhe nëse kodi penal parashikon deri në 5 vjet burgim për tre krimet për të cilat akuzohet.
Po ashtu, ai bën të ditur se është larguar përgjithmonë nga bota e biznesit dhe se është punësuar si punonjës i një kompanie në fushën e prodhimit, me dy prokurorë italiane dhe shqiptarë që e ndjekin.
