I bëjmë thirrje Regjimit të facebook-ut të bëjë sa më shumë teste dhe identifikim të të infektuarve në laboratorë shtetërorë e privatë, për të ruajtur shëndetin e njerëzve dhe të ekonomisë.
Denoncimi i sotëm i gazetarit Erjon Skëndaj, i cili tregon qartë se si po mashtron dhe manipulon qeveria me shifrat, nxjerr në pah gjithë eksperimentin social që po bëhet me shqiptarët.
Burra e gra, pleq e fëmijë të mbyllur brenda, ndërsa ndërmarrjet me qindra punonjës në punë pa asnjë masë mbrojtëse.
Numra që kundërshtojnë veten e që mbahen me çdo mënyrë të kontrolluara, strategji pa asnjë qëllim tjetër, përveçse të mbajnë të mbyllura për opinionin, shifrat reale të të prekurve dhe viktimave.
Strategji që tentojnë vetëm t’i marrin dinjitetin qytetarëve të vendit, kur i nxjerr me fasha orare, gratë me fëmijë, të moshuarit, burrat më vete me dhe pa maska, të cilëve ka harruar dhe t’i bërtasë si para disa javësh, kur i tregonte si laheshin duart e si bëheshin male me të vdekur.
Kemi kërkuar qysh ditën e dytë të shpalljes së vetëizolimit që të fillonin testet masive e të mos mbeteshin vetëm për ato që vendoste udhëheqësi.
PDIU i bën thirrje Regjimit të FB:
Lejimin e laboratorëve publikë dhe privatë të kryejnë testime masive të të gjithë personave që kanë dyshime për infektimin e tyre, të personelit shëndetsor, të të gjithë rrjetit ushqimor dhe të rendit publik.
Kjo do të ndihmonte në hapjen urgjente të bizneseve dhe ruajtjen e zinxhirit të Ekonomisë.
Cinizmi me shqiptarët, ku udhëheqësit dhe familjet e tyre testohen në spitalet private duhet të marë fund. Sot, duhet të lejohen të gjithë shqiptarët të bëjnë analizat, aty ku ata dëshirojnë e të mos mbeten në humorin e regjimit të facebook-ut.
Është me pasoja të rënda mbajtja mbyllur e ekonomisë dhe njerzëve ndërkohë që nuk kemi asnjë ide të situatës reale dhe të atyre që realisht janë të prekur apo e kanë kaluar virozën.
I kujtojmë Regjimit të Fcb-së:
Duhet të lajë duart!
