Deputeti i Partisë Demokratike, Arbi Agalliu i është bashkuar shumicës dërrmuese të grupit parlamentar demokrat që kërkojnë dorëheqjen e Bashës nga posti kreut të PD.
Para hyrjes në Kuvend, Agalliu deklaroi se Basha e ka menduar dorëheqjen dhe është në proces reflektimi, ndërsa shton se gjithashtu ish-kryeministri Sali Berisha duhet të bëjë një hap pas.
“Nuk kemi dalë në vendim të shkruar, Basha të konsiderojë një hap pas, unë ftoj dorëheqjen e tij, si shkaktar të përçarjes së PD shkaktar janë Berisha dhe Basha. Ky është një akt që duhet të ndërmerret nga të dy personazhet të cilët e kanë sjellë opozitën në këtë situatë nga 50% deri në 25 përqind. Basha e konsideron dorëheqjen është gati por është një proces diskutimi që është bërë javën e kaluar, do të bëhet edhe sot. Është proces që nuk mund të zgjasë pa fund kemi kërkuar që reflektimi të jetë sa më i shpejtë. PD është e të gjithëve nuk është e askujt. Ne kërkojmë dy personat që tashmë kanë mospërputhje të bëjnë hap pas, nuk ka Foltore apo PD por ka demokratë. Elektorati që është i pakënaqur ta shikojë PD si një alternativë”, tha Agalliu.
