Partia Demokrative dhe kryetari i saj Lulzim Basha, vazhdojnë të qëndrojnë në kërkesën për qeveri teknike ose në të kundërt bojkot të zgjedhjeve dhe bllokim të tyre
Partia Demokratike ka paralajmëruar protestë të madh më 13 maj në bulevardin “Dëshmorët e Kombit” . Vendimi është marrë në mbledhjen që kryetari i PD-së Lulzim Basha pati me krerët e degëve mesditën e sotme në selinë PD. Protesta do të nisë në orën 12:00 të 13 majit 2017 në bulevardin “Dëshmorët e Kombit” Para këtij takimi nga çadra e ngritur para kryeministrisë, që PD e quan çadra e lirisë, Basha i bëri thirrje qytetarëve të bashkohen në marshimin e javës së ardhshme.
“Ftoni miqtë, dhe familjarët tuaj të bashkohen në marshimin e javës së ardhshme, manifestimin më të madh të forcës së vendosur paqësore por të pathyeshme të qytetarëve shqitparë për zgjedhje të lira e të ndershme, themelin e Republikës së re që po agon”
Nuk do të pranojmë kurrë zgjedhje të dikutara nga krimi e droga. Të vetmet zgjedhje që ky vend do të mbajë do të jenë zgejdhejt e lira e të ndershme, të lira nga krimi, droga e monizmi me një qeveri teknike e cila do të përmbushë mandatin popullor për zgjedhje të lira. E di se për ku jemi nisur dhe e shoh dritën e ditës së parë të Republikës së re”
“Fitorja ne Kavaje nuk ishte lemoshë”
Basha e quajti fitore të qëndresës tërheqjen e Edi Ramës nga zgjedhjet e Kavajës.
Lulzim Basha: “Tërheqja e Edi Ramës nga zgjedhjet fasadë të diktuara nga krimi në Kavajë janë vetëm rezultat i betejës tuaj, i qëndresës tuaj. Gjithçka ishte përgatitur për zgjedhje fasadë, votime fasadë, paratë ishin ndarë, njerëzit ishin kërcënuar. Bandat e krimit brenda pushtetit kishin bërë gjithçka gati për një masakër të vërtetë elektorale në Kavajë. I dinë edhe përfaqësuesit e vendeve të huaja këtu në Tiranë por askush nuk kishte ndërmend të bënte asgjë. Ambasadat u kufizuan me deklarata, nganjëherë dhe pa deklarata fare. Socialistët në Kavajë ulën kokën para krimit. Tërheqja nga Kavaja nuk është dhuratë dhe nuk është lëmoshë, por është sprapsje e detyruar nga refuzimi masiv i kavajasve për tu keqpërdorur ditën e dielë dhe është sprapsje e tmerruar nga projektimi i bashkimit më të madh të qytetarëve që ishte bërë gati të marshonte drejt Kavajës, të çlironte Kavajën dhe nga Kavaja të niste çlirimin i Republikës së Re anë e mbanë Shqipërisë.”
Në mbledhjen e mbajtur në selinë PD ishte edhe grupi organizator i protestës, Edi Paloka, Arben Ristani, Eno Bozdo e Fadil Kadilli.
