Grupi parlamentar demokrat u mblodh këtë të premte duke vendosur përshkallëzimin e aksionit opozitar. Pas mbledhjes, detaje për vendimet që u morën i dha kreu i grupit parlamentar demokrat Gazment Bardhi, i cili zbardhi fillimisht diskutimet për dënimin politik të Ervin Salianjit.
Bardhi tha në mënyrë unanime grupi i propozoi Salianjit që mos vetëdorëzohej dhe deputetët demokratë të ngujoheshin në selinë blu.
“Për ne vendimi i djeshëm gjyqësor është një akt i mirëfilltë politik, hakmarrje e grupeve kriminale ndaj një deputeti të opozitës që ka patur guximin ti drejtojë gishtin lidhjeve mes krimit të organizuar dhe pushtetit të kriminalizuar. Se vëllai i Xhafajt shëtiste i lirë dhe pse i dënuar me formë të prerë për trafik narkotikësh shkoi në burg. Hakmarrja politike tregoi se s’ka shtet lijor, s’ka demokraci. Qëndrimi i grupit parlamentar të PD është që ndaj kësaj padrejtësia s’duhet të pajtohemi, s’duhet ti nënshtrohemi dhe qëndrimi unanim ka qenë kërkesa drejtuar Salianjit që të mos e zbatojë vendimin politik të Rdi Ramës të firmosur nga tre gjyqtarë të gjykatës së apelit. Sot është dënuar çdo anëtar i PD, çdo qytetar i Shqipërisë që ka vendosur të jetojë në këtë vend dhe të luftojë për më të mirën për veten e familjes”, tha Bardhi,
Por, ai shtoi se Salianji vendosi që të “shkojë në burgun politik të Edi Ramës”.
“Por krahas vendimit politik të grupit kemi të detyruar të respektojmë vendimin personal të deputetit Salianji i cili ka vendosur që të përballet edhe më të shkuarin pa prova në burgun politik që i ka caktuar Rama. Kjo e Salianjit është një sakrificë që duhet të shërbejë si këmbanë alarmi për cilindo prej nesh se kushdo deputetet çohet në burg pa prova si hakmarrje e Edi Ramës dhe Fatmir Xhafajt, është në rrezik çdo qytetar i republikës Shqipërisë. Ne e respektojmë vendimin e Salianjit, i cili bashkë me grupin e cilëson padrejtësi vendimin e gjykatës së Apelit mirëpo fakti që ligjërisht ai vendim është në fuqi dhe pse efektet s’mund ti prodhojë ndaj një deputeti pa u mbledhur këshilli i mandateve siç lejon Kushtetuta, pa u zbardhur vendimi që e ka shkruar Edi Rama, pa i dhënë mundësi të bëjë rekurs”, tha Bardhi.
Ai shtoi se një tjetër vendim i marrë pas burgosjes politike të deputetit Salianji, është që “opozitës s’ka për të pasur asnjë marrëdhënie normale institucionale me deputetët e Edi Ramës në Kuvend, mbështet plotësisht protestën e 6 Tetorit dhe vijimin e rezistencës së përballjes me qytetarët në çdo rrugë, lagje apo shesh të Shqipërisë”.
I pyetur nëse do të rikthehen skenat e mosbindjes civile në Kuvend, Bardhi nuk dha detaje, por iu përgjigj gazetarëve “do ta shihni”.
