Deputetët të Partisë Demokratike, kanë kërkuar që të Komisionin Parlamentar për Politikën e Jashtme që të diskutohet nisma “Open Balkan”. Gjatë fjalës së tij, Kreshnik Çollaku e ka cilësuar këtë nismë, një projekt të Beogradit.
“Open Balkan” është projekt i Beogradit, Rama e përqafon dhe e shet si shpikje të tij. Si ka mundësi të ecet në këtë rrugë. Ne duhet të bashkohemi drejt një qëndrimi. Erdhi presidentja e Kosovës këtu e na tha na e qani hallin. Si mundet të favorizojmë Serbinë?!”, tha Çollaku.
Ndërkohë, demokrati Tomor Alizoti tha se PD do që të diskutojë për këtë nismë. Ndërkohë, kryetarja e këtij komisioni, Mimi Kodheli tha se për të thirrur në komision ministren për Europën dhe Punët e Jashtme, duhet të mblidhen firmat.
“Mblidhni firmat dhe kërkoni ministrin në Komision për të diskutuar “Open Balkan”, tha Kodheli.
Duma: Unë nuk kam asnjë ndroje që herë pas here të dal pak nga aura e politikës së madhe dhe të shkojmë te lakmuesi që i tregojmë perëndimit se si dimë ne të sillemi në progres raportet. Do preferoja që të shihja në memon tuaj se cili ishte impakti i turizmit, etj. A kemi bërë ne një draft apo strategji që mos të vijojmë te mbetemi të fondet e paralokuara?! Jemi pas 8-9 vitesh në të njëjtin nivel, apo kemi arritur që të jemi më afër hyrjes në BE, që të tërheqim më shumë fonde. Këto projekte si vazhdojnë dhe menaxhohen nga institucionet publike?
Kodheli: Këto pyetje dhe kërkesa janë ngritur dhe gjatë kohës kur diskutoheshin projektet të tilla.
Ambasadori Zef Mazi: Ky është projekti më i madh politiko-ekonomik për vendin tonë. Shqipëria ka pasur prioritet integrimin drejt BE. Në këtë garë mes NATO dhe BE, dikush tha se Aleanca Euroatlantike ka fituar 3 me zero.
