Grupi parlamentar i Partisë Demokratike dhe ai i Lëvizjses Socialiste për Integrim, kanë kallëzuar penalisht Kryeprokuroren e Përkohëshme Arta Marku.
Në dokumentin e siguruar nga Fax News dhe Faxweb.al, Arta Marku akuzohet për veprën penale “Shpërdorim detyre”, dhe është kallëzuar për këtë në Prokurorinë pranë Gjykatës së Shkallës së Parë Tiranë.
Në dokumentin e siguruar opozita kërkon nga Prokuroria që Marku: “Në mbështetje të neneve 240-243 të Kodit të Procedurës Penale, paraqitjen e kërkesës për marrjen e masës ndaluese, “pezullimi i ushtrimit të një detyre a shërbimi publik” apo “ndalimi i përkohshëm i ushtrimit të veprimtarive të caktuara profesionale”, për personat e kallëzuar në këtë Kallëzim Penal, të cilët nëse vijojnë punën mund të prishin provat apo të pengojnë hetimin”.
Kallëzimi lidhet me rastin e Bujar Sheshit, anëtarit të KLP, i cili sipas Autoritetit të Dosjeve të ish-Sigurimit, rezulton bashkëpunëtor.
/faxweb
