Bashkia e Tiranës ka rikonstrukturuar 12 objekte, janë ndërtuar dy markata, shesh rekreacioni duke e shndërruar këtë hapësirë në parametra modernë, qendra të mëdha të shfrtëzushme për tregëtarët dhe konsumatorët.
Ilda Qazimllari , përgjegjëse e sektorit pranë Drejtorisë së Përgjithshme të Punëve Publike në bashkinë e Tiranës na garanton se gjithçka do te jetë gati për hapjen e “Pazarit të ri” ditën e verës.
Puna ecën me ritme të shpejta. Financuesi i projektit në vlerën e 544 mln lekë është Fondacioni Shqiptaro-Amerikan të Zhvillimit dhe Bashkia e Tiranës.
“Do të jetë merkato e fruta perimeve por dhe e mish- peshkut. Do të ketë 25 njësi tregtare. Nëse ka elementë modernë në këto fasada, në disa të tjera do të ruhet origjinaliteti. Pazari i ri do të jetë pedonal, finacuesit e projektit mendojnë se zona do të rivitalazohet. Bashkia e konsideron këtë projekt që ndërthur gatimet tradicionale dhe dyqane artizanësh, si një epiqendër të turizmit në Tiranë”, tha Qazimllari.
