Pasuritë e Ervis Martinajt, GJKKO rrëzon kërkesën e familjarëve dhe lë në fuqi sekuestron –

Gjykata e Posaçme ka rrëzuar kërkesën e familjarëve dhe mbrojtësve ligjorë të të zhdukurit Ervis Martinaj, të cilët kërkonin heqjen e sekuestros dhe lirimin e pasurive të tyre. Avokatët pretenduan se kërkesa ishte dërguar në gjykatë prej rreth dy vitesh, duke tejkaluar afatin ligjor prej një viti për shqyrtim.

Mësohet se pas shqyrtimit të çështjes, gjyqtari Erion Bani vendosi të lërë në fuqi masën e sekuestros, duke e cilësuar kërkesën e mbrojtjes si të pabazuar në ligj dhe në prova.

Ndër të tjera, gjyqtari Bani sqaroi se Prokuroria ka kompetencë të hetojë deri në dy vjet nga vendosja e sekuestros dhe se afati i kësaj mase është zgjatur ligjërisht dy herë, duke mbetur në fuqi deri në dhjetor të vitit 2025.

Sipas Gjykatës, masa e sigurisë hiqet vetëm nëse prokuroria dështon të kërkojë konfiskimin pas përfundimit të afateve të shtyra. Duke qenë se kërkesa për konfiskim është depozituar brenda afateve ligjore, Gjykata vlerësoi se nuk jemi në kushtet e shuarjes së masës për 34 pasuritë e sekuestruara që prej vitit 2023.

Procesi pritet të vijojë me seancën e radhës, ku me kërkesë të SPAK-ut do të merren në pyetje si dëshmitarë një grup personash që zotërojnë pronat e lidhura me Ervis Martinajn.

Lista e plotë e pasurive të sekuestruara

1. Aksionet e KING KASINO ku aksioner është 100% Ervis Martinaj
2. 50 % të aksioneve të shoqërisë “ALBA TELECOMMUNICATION” në emër të Ervis Martinaj
3. Aksionet e shoqërisë “MATI UNION” ku aksioner është 100% Mustafa Martinaj
4. Aksionet e shoqërisë “MARTINAJ E.M” ku aksioner është 100% Mustafa Martinaj
5. Subjekti “Ervis Martinaj”
6. Shoqëria “REAL FENIX” ku aksionere është 100% Roberta Martinaj
7. Subjekti “Drenica Martinaj”
8. Subjekti “V.K”
9. Shoqëria “S.P.E Energy” shpk ku aksioner është 100% V.K
10. 21% e aksioneve dhe aseteve te shoqëria “S.P.E Gjadër” të zotëruara nga “S.P.E Energy” shpk ku aksioner është 100% V.K
11. Një automjet Smart, modeli Passion në pronësi të Erjona Martinaj
12. Një automjet Land Rover, modeli Discovery në pronësi të Erjona Martinaj
13. Një automjet Mercedez-Benz, modeli GLK 350, në pronësi të Vasilika Martinaj
14. Një automjet Fiat, modeli Fiesta, në pronësi të Vasilika Martinaj
15. Një automjet BMË, modeli M 550, në pronësi të Vasilika Martinaj
16. Një pasuri me sip.82 m2 në lagjen “Pavarësia”, Vlorë në pronësi të Drenica Martinaj dhe një arë në Piqeras, Sarandë në pronësi të Ervis dhe Roberta Martinaj
17. Një njësi me sip. 137 m2 në pronësi të Vasilika Martinaj
18. Një ullishte me sip.9 800 m2, në Dobresh, Tiranë
19. Një arë 3 815 m2 në Fushëkuqe, Kurbin
20. Arë me sip.7 000 m2 në Patok
21. Arë në Fushëkuqe, Kurbin sip.12 145 m2
22. Arë në Patok, Kurbin me sip.1 973 m2
23. Arë në Patok, Kurbin me sip. 7050 m2
24. Arë dhe truall me sip.1 975 m2 në Fushë-Milot, Kurbin
25. Arë me sip.1. 632 m2 në Fushë-Milot, Kurbin
26. Truall dhe ndërtesë me sip.300 m2 në emër të Mustafa dhe Vasilika Martinaj
27. Arë me sip. 2. 543 m2 në Fushëkuqe, Kurbin
28. Arë dhe ndërtesë me sip.410 m2 në Fushëkuqe, Kurbin në emër të Mustafa dhe Vasilika Martinaj
29. Arë me sip. 120 m2 dhuruar nga Ervis Martinaj shtetases Bisere Hato
30. Truall dhe ndërtesë 580 m2 dhuruar nga Ervis Martinaj shtetases Bisere Hato
31. Apartament në rrugën “Dervish Hima”, me sip.105 m2, dhuruar nga Ervis Martinaj shtetases Gelmona Tarja
32. Ullishte 2000 m2 në fshatin Gjilekë, Dhërmi
33. Pasuri aktualisht ne pronësi te shtetasit Fatmir Ahmet Vuthaj.
 Llogari kursimi për fëmijë.