Persona të armatosur kanë sulmuar një spital në veri të Sirisë, aty ku është shtruar foshnja që lindi nën rrënojat e shtëpisë së saj të shembur.
Sky news raporton se sulmuesit ndoqën drejtorin e klinikës dhe dhunuan atë. Paraprakisht dyshohet se sulmuesit kishin si qëllim të rrëmbenin foshnjën Aya, por nuk ia dolën.
Një zyrtar tha se drejtori i spitalit kishte dyshuar se një infermiere që po fotografonte Aya-n po planifikonte ta rrëmbente. Pasi u pushua nga puna, ajo u kthye disa orë më vonë, e shoqëruar nga personat e armatosur që nisën sulmin.
Vajza, e cila është quajtur Aya – që arabisht do të thotë “një shenjë nga Zoti”, ndodhet në spital që nga tërmeti që goditi Turqinë dhe Sirinë javën e shkuar.
Nëna, babai dhe katër vëllezërit e motrat e Aya-s vdiqën në katastrofën e tërmetit dhe ajo është monitoruar nga afër që nga lindja e saj, ndërsa njerëz nga e gjithë bota janë ofruar për ta ndihmuar e adoptuar.
Punonjësit e shpëtimit në qytetin verior të Sirisë, Jinderis, e zbuluan Aya-n më shumë se 10 orë pas goditjes së tërmetit nën beton dhe ende të lidhur me kordonin e kërthizës me nënën e saj.
