Një 34 vjeçar shqiptar është kapur në flagrancë nga Policia Kufitare e Riminit pasi po tentonte të hynte në Angli me dokumenta të falsifikuara.
Nga mediat italiane mësohet se shqiptari është kapur kur iu nënshtrua kontrollit të pasaportës.
34-vjeçari tregoi tre dokumente greke, një pasaportë, një kartë identiteti dhe një patentë shoferi, të cilat pas verifikimeve rezultuan të falsifikuara.
Pas kësaj, shqiptari u vu menjëherë në dispozicion të Zyrës së Emigracionit në Questura për dëbimin nga territori italian.
