Pas 3 ditësh kërkime janë gjetur dy trupat të pajetë nga tre të zhdukurit në Malësinë e madhe. Dyshohet se trupat e pajetë janë Vilson Çutaj dhe Klement Pepaj.
Trupat e pajetë të dy të rinjve janë gjetur në një zonë pyjore.
Bashkë me ta nuk është parë më edhe Danjel Papaj, i cili dyshohet se mund t’i ketë vrarë dhe më pas ka fshehur trupat e tyre.
Akuza që prej ditës së denoncimit ka ardhur nga prindërit e Klementit.
Ndërkaq, babai i tij, Rrok Pepaj është ngujuar në shtëpinë e tij, pasi familja e Vilson Çutajt i ka dërguar ultimatum për të dorëzuar trupin e djalit dhe të japë sqarime për ngjarjen.
Afati i ultimatumit ka mbaruar dy netë më parë.
Zanafilla e ngjarjes dyshohet se ka të bëjë me grabitjen e parcelës së kanabisit të Vilson Çutajt dhe Klement Pepajt.
Për këtë ngjarje ata kanë akuzuar Daniel Pepajn.
Pas kësaj dyshohet se të tre ata janë drejtuar më këmbë drejt fshatit Zagore.
Gjatë rrugës, në rrethana jo krejt të qarta, dyshohet se Danjel Pepaj ka marrë një armë të fshehur dhe ka qëlluar Vilsonin dhe Klementin.
