Mbi një javë pas tërmetit më shkatërrues të Turqisë në një shekull dhe kërkimit për të mbijetuar po i vjen fundi ngadalë. Tani pyetja mbetet: si i trajtojnë këto vende qindra mijëra të mbetur pa shtëpi dhe pa punë pas saj?
Më shumë se 158,000 njerëz janë larguar nga zona e tërmetit në Turqinë jugore. 22-vjeçari sirian Hamza Bekry, jeton në Hatay, një nga zonat më të prekura në Turqi, për 12 vjet.
Ai tani po shkon drejt perëndimit me një autobus, pasi ka humbur gjithçka dhe po përgatitet të fillojë, siç thotë ai, “nga zero”. Por tek të mbijetuarit, tronditja po kthehet edhe në zemërim.
Përtej kufirit në qytetin sirian të Harem, në veri të Idlibit të kontrolluar nga rebelët, një kamp i improvizuar është ngritur mes rrënojave. Babai 29-vjeçar Mazen Al-Fahed tha se njerëzit po punojnë gjatë gjithë orarit për të krijuar strehë, por se ata janë të dëshpëruar për furnizimet bazë.
Vetëm në Turqi, kostoja e tërmetit mund t’i kushtojë Ankarasë deri në 84.1 miliardë dollarë, sipas një grupi biznesi. Sipas shifrave zyrtare të qeverisë, rreth 42,000 ndërtesa ose janë shembur, kanë nevojë urgjente për prishje ose janë dëmtuar rëndë në 10 qytete.
Ndërsa presidenti Erdogan ka thënë se shteti do të rindërtojë zonat e goditura nga tërmeti brenda një viti. Ata që kanë mbetur pas kanë thjesht nevojë për strehim.
The post Pas tragjedisë, ikin nga vendi mbi 158 mijë persona appeared first on 27.
