Këngëtarja e njohur, Beatrix Ramosaj ka publikuar disa ditë më parë këngën e saj më të re e cila titullohet “Ma shumë se ti” në bashkëpunim me Dj Geek teksa dukej se teksti i është dedikuar ish-partnerit të saj, Donald Veshajt.
Ndonëse marrëdhënia me Donaldin dështoi shumë shpejt, menjëherë pas përfundimit të “Big Brother VIP”.
Pas asaj situate, këngëtarja po prek suksesin me projektin e fundit që u shndërrua menjëherë në hit. Edhe pse nuk ishin mbushur ende 24 orë nga publikimi i këngës, “Ma shumë se ti”, aso numëroi mbi 400 mijë klikime në rrjetin social You Tube. Ndërsa sot numëron mbi 1 milionë.
Kënga u prit me komente pozitive dhe mbështetëse për të, teksa shumë nga fansat e saj nuk i kanë kursyer edhe ironitë për aktorin.
Këngëtarja ka zbuluar për ndjekësit e saj në rrjetin social Instagram se diçka e re po vjen, teksa shihet në një studio muzikore duke punuar për një projekt të ri.
“Shumë e emocionuar” ka shkruar këngëtarja krahas fotografisë.
Ndërkohë në postimin tjetër Beatrix ka treguar për ndjekësit e saj se sapo e ka përfunduar këngën e re.
“Sapo përfundova këngën time më të re.”
Së fundmi, Beatrix pas suksesit me dy këngët e saj të fundit ‘Faj’ dhe ‘Ma shumë se ti’ duket se do t’i përkushtohet më shumë muzikës dhe do të sjellë për fansat e saj shumë projekte të tjera muzikore. Të gjithë janë kuriozë të dinë se kur do ta lançojë këngën e përfunduar dhe kujt do t’i dedikohet.
