Pas disa muajsh nga shkarkimi i Ervin Bushatit, Ardit Demiri është emëruar drejtori i ri i përgjithshëm i Postës Shqiptare. Kryeministri ka vendosur t’i besojë drejtimin e Postës Shqiptare, Drejtorit të Degës Rajonale të Elbasanit, Ardit Demiri.
Një zgjedhje teknike këtë herë nga Kryeministri, ku ka besuar në një profil të ulët politik por njohës shumë i mirë i administratës, për të drejtuar institucionin e Postës Shqiptare.
Demiri prej gati 5 vitesh ka drejtuar Degën Rajonale të Elbasanit. Më herët, ai ka mbajtur postin e drejtorit rajonal të Zyrës së Punës Elbasan, në vitet 2013 – 2017, ku spikati si një nga drejtoritë me të rezultatet më të larta duke i besuar më pas postin e Prefektit të Qarkut Elbasan.
Ai ka pasur një karrierë të gjatë si pjesë e forumeve të larta drejtuese në PS e Elbasanit. Në vitin e fundit ai u bë pjesë e një procesi publik në PS ku garoi publikisht për Kryetarin e PS Elbasan.
