Pak kohë më parë në media dhe rrjetet sociale, qarkulluan e-mailet e kreut të qeverisë, kryeministrit Edi Rama.
Por hackerat e grupimit “Homeland Justice”, të cilët hodhën poshtë për thuajse një javë databazën e portalit qeveritar, E-albania, kanë shënjestruar serverin e Ministrinë e Jashtme.
Ditës e sotme faqja “Homeland Justice” e njohur ndryshe si “Drejtësia e Atdheut”, ka publikuar 578 dokumente të Ministrisë së Punëve të Jashtme, të cilat janë shkëmbim e-mailesh mes këtij institucioni dhe ambasadave shqiptare.
Në këto dokumente gjithashtu janë edhe e-mailet që emigrantët shqiptarë u kanë nisur ambasadave tona të akredituara në shtete e huaja, ku shumica janë kërkesë për pajisje me karta identiteti si dhe për prokura.
