Reperët shpesh vendosen në qendër të vëmendjes ose përmes teksteve të forta, ose përmes deklaratave të bujshme dhe ofendimeve që bëjnë për njëri-tjetrin.
Feronit Shabani i njohur si Fero ka zgjedhur këtë të dytën në një kohë kur duket se në muzikë nuk po arrin suksesin e pretenduar. Reperi i njohur ka komentuar publikisht në postimin e Rigels Rajkut, i njohur me emrin Noizy, në rrjetet sociale.
Gjithçka ka nisur pas një postimi të bërë në Instagramin e personazhit të njohur të rrjeteve sociale, Aleks Visha. Ky i fundit ka raport të mirë miqësor me Noizyn dhe me Stresin. Visha ka publikuar një foto të Noizyt së bashku me babain e tij, krahas së cilës shkruan: “Thuani mendimin tuaj.”
Vëmendja është përqendruar në seksionin e kometeve, ku ka shkruar edhe reperi Fero. Ky i fundit ka lënë disa komente me shkronja veçmas duke ua lëne fansave në dorë interpretimin.
Por përfundimi në të cilin kanë dal pjesa më e madhe e tyre po shpërndahet me shpejtësi në rrjetet sociale. Siç shihet në videon më poshtë, që po qarkullon në TikTok, ndjekësit i kanë bashkuar “shkronjat” që Fero la në komente për Noizyn, duke nxjerrë në përfundim frazën ofenduese: “P*dh mashkull.” Fero muajt e fundit ka qenë një nga emrat më të lakuar në shoëbiz dhe kjo erdhi pasi Unikkatil i bëri diss.
Kjo ka nervozuar Feron i cili përveç Unikkatil dhe shënjestuar edhe Mozzik e Getinjo vetëm sepse këta të fundit kanë marrëdhënie të mirë dhe e mbështesin atë. 24-vjeçari në një live në Instagram ka deklaruar se Mozzik e ka shtyrë të shajë Noizy-n, S4MM dhe Gjikon.
Ai bëri akuza edhe më të rënda ndaj reperit emri i vërtetë i të cilit është Gramoz Aliu duke u shprehur se i ka ndaluar koncertet S4MM dhe se ka qarë sepse Noizy e ofendoi me mesazhe. Më tej, Fero u ka kërkuar ndjesë të tre artistëve duke thënë se nuk ka pasur asnjëherë asgjë me ta.
Sa i përket Noziyt, “armiqësia” mes tij dhe Feros daton që në vitin 2018. Asokohe në një intervistë Fero tha për Noizyn se nuk e meriton famën që ka marrë.
https://www.tiktok.com/@yxngsonn/video/7119254797693226246?referer_url=http%3A%2F%2Fwww.panorama.com.al%2F&referer_video_id=7119254797693226246&refer=embed&referer_url=http://www.panorama.com.al/panoramaplus/rindizet-sherri-pas-perplasjeve-virtuale-fero-plas-komentin-e-forte-ne-foton-e-noizyt-pdh-mashkull/
