Pas shtrenjtimit të naftës që ka arritur në 245 lekë për litër, shifra rekord po regjistron dhe tregtimi i gazit. Bordi i Transparencës njoftoi se çmimi i gazit deri në datën 1 prill do të tregtohet me 110 lekë për litër, duke kapur shifra rekord.
Kjo shifër është më e larta e regjistruar ndonjëherë në vend, ku çmimi është rritur ndjeshëm, krahasuar me 93 lekë që ka qenë më herët.
Kujtojmë se, Bordi ka përcaktuar çmimet e reja, ku çmimi ri i naftës është me pakicë është 245 lekë, nga 233 lekë që ishte më parë. Nafta me shumicë tregtohet me 233 lekë për litër. Në bursa nafta luhatet në rreth 120 dollarë për fuçi.
Për benzinën, çmimi pakicës është 218 lekë, njësoj me vendimin e fundit, pasi benzina është më e lirë në bursa. Këto shifra pritet të sjellin një vale të re protestash, pasi çmimet po njohin vetëm rritje.
