Pas një sërë kunjash me njëri-tjetrin dy aktorët e programit të humorit “Portokalli” duket se i kanë qetësuar gjakrat mes tyre. Bëhet fjalë për Arjola Demirin dhe Ledio Lako të cilën kanë sqaruar raportin e tyre pasi ky i fundit e thumboi ish-banoren e shtëpisë së “Big Brother VIP” në një intervistë që ai ka dhënë.
Ledio feston sot ditëlindjen dhe Arjola i ka bërë një urim publik në rrjetin e saj social Instagram. Ajo ka shpërndarë një foto të kolegut, ku krahas saj ka shkruar: “Urime ditëlindjen. Me çfarë të do e bardha zemër”.
Gjithashtu, Ledio e ka ripostuar fotografinë me urimin e Arjolës dhe e ka risjellë edhe njëherë në vëmendje deklaratën që ka bërë kundrejt saj, gjithashtu edhe duke i dhënë një këshillë të drejtpërdrejtë publikisht.
“Rrofsh! Edhe të mbajmë shinat e këtij rrugëtimi fort…”
Kujtojmë se, aktori deklaroi se në rrugën e artit nëse hyn është shumë e vështirë të dalësh, por shtoi se ka disa aktorë që kanë dalë nga shinat.
“Në gjithë rrugën e artit po hyre është një rrugë pa kthim. Por, ka shina. Kush aktor është i disiplinuar di t’i mbajë shinat, ka shumë të tjerë që duan të dalin në det, duan të bëjnë korsi të reja…”
Gjithashtu, deklarata e tij mori shumë reagime në rrjet pasi individ të ndryshëm e interpretuan si një zhvleftësim të punës së aktorëve.
Së fundmi, theksojmë se Arjola nuk ka pasur një kundërpërgjigje për kolegun e saj Ledion.
