Pas ditëve me diell pritet të rikthehen sërish reshjet e shiut. Sipas parashikimit të IGJEUM, dita e nesërme do të shoqërohet nga reshje shiu, të cilat do të fillojnë në jug të vendit dhe do të shtrihen në të gjithë vendin.
Parashikimi
Sot pasdite (e mërkurë, dt.04) nuk pritet rrezik për zjarre në pyje. Nesër (e enjte, dt.05), pritet rrezik “I ULËT” në qarqet Fier dhe Vlorë. Pjesa tjetër e territorit nuk ka rrezik.
Reshjet
Sot pasdite (e mërkurë, dt.04) nuk priten reshje. Nesër (e enjte, dt.05) reshjet pritet të fillojnë në jug të vendit dhe në mesditë do të shtrihen në të gjithë vendin. Ato do të jenë të dobëta (siç tregohet në tabelë, respektivisht për secilin qark).
Temperaturat
Nesër (e enjte, dt.05) temperaturat minimale dhe maksimale të ajrit pritet të arrijnë:
në bregdet: 9 / 19 °C
në vendet e ulëta: 12 / 21 °C
në vendet malore: 6 / 19 °C
ERA
Sot pasdite (e mërkurë, dt.04) era pritet të fryjë e lehtë, ndërsa në bregdet deri mesatare. Nesër (e enjte, dt.05) ajo pritet të forcohet dhe do të fryjë mesatare, por deri e fortë në bregdet.
