Marrëdhënia e Donaldit me Dj Pm (Pajtim Krasniqi) dhe Dj Dagz (Arbër Gumnishta) ka qenë nga më të ngushtat brenda shtëpisë së “Big Brother VIP”. Mirëpo, kur gjërat mes aktorit dhe Pajtimit janë shumë mirë, nuk mund të themi të njëjtën gjë për Arbrin me të cilin pati jo pak probleme.
Pak ditë më parë Donaldi dhe Pm treguan në rrjetet e tyre sociale se janë takuar me njëri-tjetrin dhe realizuan një video funny. Por, Dagz nuk ishte me ta duke ngritur pikëpyetje për marrëdhënien e tij me Donaldin.
Por ditën e nesërme ata do bëhen për herë të parë bashkë pasi do mbajnë një koncert të përbashkët në Kosovë. Kjo gjë është bërë e ditur nga Romeo që ka zbuluar se pjesë e koncertit do jetë edhe ai dhe sigurisht PM dhe Elgit Doda. Se si do shkojë takimi i tyre mbetet për tu parë.
Raporti Donald-Dagz hasi në shumë komente, sidomos pasi në një prej zinxhirëve të shpëtimit, Donaldi nuk zgjodhi Dagz duke e çuar këtë të fundit në nominim nga i cili më pas la shtëpinë e “BBV”. Pas daljes i pyetur rreth këtij veprimi dhe debateve që sapo kishin nisur mes Einxhel dhe Donaldit, Dagz u shpreh se nëse do të kishte qëndruar brenda do të ishtë sjellë njësoj si Einxhel.
“Ndoshta nëse do të kisha qëndruar brenda do të kisha vepruar njësoj si Einxhel, ndoshta edhe më keq. Por prap e arsyetova Donaldin siç thash sepse nëse ajo do të kishte ndodhur në jetën reale kjo gjë do të kishte qenë shumë e rëndë për mua por në “Big Brother VIP” është një lojë dhe e kam vlerësuar gjithmonë si të tillë”.
Gjërat duket se ndryshuan për pak ditë mes Einxhel dhe Donaldit kur moderatorja lëndoi krahun dhe Donaldi i qëndroi pranë deri në mëngjes duke u kujdesur për të. “Je sjellë si një vëlla për mua”, i tha Dagz Donaldit gjatë “Prime” atë javë por gjërat morën rrjedhë tjetër po atë natë kur Einxhel dhe Donaldi u përfshinë sërish në debate.
Moderatorja deklaroi se Donaldi dhe Romeo janë bërë të famshëm nga ish-të dashurëat, kurse Donaldi iu drejtua me fjalë të rënda asaj duke u shprehur se “Ty të njeh gjithë Tirana”. Për këtë debat që zgjati për ditë të tëra, Dagz tha se ka qenë i mërzitur me Donaldin, duke i kërkuar atij të bëjë kujdes dhe mos ta ngacmojë më Einxhel.
Kujtojmë se, në natën finale, i pyetur se kush do donte ta fitonte mes Ilirit dhe Donald, Dj i njohur nga Kosova përmendi Donaldin, duke lënë të kuptohet se e ka lënë çdo gjë në të shkuarën.
Sesa e vërtetë është kjo, do e tregojë koha.
