Ditën e sotme disa story të bëra publike në rrjetin social Instagram nga Bruno Shemsho lindën shumë dyshime se ai dhe Florjana Gjini janë ndarë. Ish-konkurrenti i “Për’puthen” ka thumbuar me disa foto në Instastory dhe të gjitha dyshimet ishin në drejtim të Anës. Ai ka fshirë gjithashtu të gjitha fotot me Florjanën nga rrjeti i tij social, Instagram. Mirëpo vlen të theksohet se dyshja pas gjithë këtyre detajeve e ndjekin akoma njëri-tjetrin në Instagram.
Në mes të gjithë këtyre dyshimeve, vjen reagimi i Brunos i cili ndër të tjera konfirmoi se po përjetojnë disa probleme në çift, dhe se postet e bëra nuk kanë lidhje me Anën.
“Kemi disa probleme që zakonisht i flas me të, si çdo çift. Postet nuk kanë lidhje aspak me Anën.”
Nga ana tjetër, ai sqaroi edhe më tepër gjendjen e tij shëndetësore, pas fotove të publikuara më herët të martën në spital.
“Kam qenë i infektuar, unë s’jam mashtrues as të bëj kot si i sëmurë, se me shëndetin dhe familjen janë dy gjëra që s’bëhen lojëra. Kam infektim të shkallës së tretë në gjak e jam me antibiotik që nga e hëna.”
Së fundmi, nuk ngelet gjë tjetër veçse t’i urojmë shërim të shpejtë Brunos, ndërkohë që do të na duhet të presim për një reagim zyrtar të Florjana Gjinit.
