Një ditë pas ish-kryeministrit Sali Berisha dhe deputetit Flamur Noka dëshmuan në Prokurorinë e Tiranës për protestën e 8 janarit, radhën për të dëshmuar e ka sot kreu i PD Lulzim Basha dhe Gazment Bardhi.
Kryetari i PD dhe Sekretari i Përgjithshëm do të merren në pyetje nga hetuesit për protestën e të thirrur nga ish-kryeministri që degjeneroi në akte dhune duke shkatërruar selinë blu dhe rrezikuar jetën e personave që ishin brenda.
Ata do të pyeten edhe për akuzat se brenda selisë blu ka pasur persona të armatosur dhe me precedentë penalë, gjë të cilën më herët Basha dhe Bardhi e kanë mohuar.
Ata do të pyeten gjithashtu nga prokurorët e rrethit dhe për dhunën me mjete të forta si dhe përdorimit të bombolave anti-zjarr nga personat që ndodheshin brenda gjatë tentativës së protestuesve të Berishës për t’u futur në seli.
