Partizani do të presë Valmieran në ndeshjen e kthimit në stadiumin “Elbasan Arena”, të vlefshme për turin e tretë në Ligën e Konferencës. Të kuqtë kanë bërë të ditur çmimet e biletave përmes një postimi në rrjetet sociale.
Bie në sy, fakti që çmimet janë, shumë modeste për një ndeshje kaq të rëndësishme. Në tribunën VIP, bileta kushton 2000 lekë ndërsa sektorët më të lirë janë 300 lekë.
Me këto çmime, Partizani shpreson që të “kompensojë” faktin që luan jashtë qytetit të saj, duke mos i rënduar shumë ekonomikisht tifozët kryeqytetas.
