Struga vijon përgatitjet për ndeshjen ndaj lituanezëve të Zalgiris, në kuadër të raundit të parë të Champions League. Ditën e djeshme kampionia e Maqedonisë së Veriut, që ka në krye një emër si Shpëtim Duro, u mposht minimalisht nga Partizani në një miqësore mes kampionësh. Pas ndeshjes, për “Panorama Sport”, Duro foli për ndeshjen e Champions-it, si dhe analizoi përballjen me Partizanin, ku u shpreh i kënaqur nga skuadra e tij, pavarësisht disfatës.
Fituat titullin kampion dhe po përgatiteni për ndeshjen në Champions League. Si po shkon plani?
Kapitulli i titullit tashmë është i mbyllur dhe ne kemi nisur përgatitjet në Strugë për Kupat e Europës. Për skuadrat e Shqipërisë apo Maqedonisë nuk ka kundërshtarë të lehtë. Kundërshtari është favorit, por ne do të bëjmë të pamundurën, sepse kemi edhe ne shanset tona.
Si ju duk paraqitja e skuadrës?
Shumë e mirë, sidomos në pjesën e parë. Në pjesën e parë luajta me formacionin e parë. Edhe në pjesën e dytë bëmë mirë, pavarësisht golit të pësuar. Në pjesën e parë kishim 4-5 shanse për të shënuar. Edhe në pjesën e dytë, por në tërësi jam i kënaqur me skuadrën. Partizani ka shumë lojtarë në organikë. Ju e patë që ne në pjesën e dytë bëmë vetëm 3-4 ndërrime, Partizani ndryshoi thuajse gjithë skuadrën.
Struga nuk ka një eksperiencë të madhe europiane, por ju keni…
Struga nuk kishte përvojë as për t’u shpallur kampion. Ishte hera e parë në historinë e skuadrës. Shpresojmë të bëjmë mirë edhe në Kupat e Europës. Patjetër që është hera e parë. Nuk jemi ne favoritë, por brenda skuadrës, duke përfshirë edhe veten si trajner, kemi shumë përvojë në ndeshje ndërkombëtare. Kam disa futbollistë që kanë luajtur shumë ndeshje në Europë, prandaj edhe ne kemi shanset tona.
Do të vazhdojë Struga me afrimet?
Jo. Skuadra është 80-90% ajo e vitit të kaluar, duke përjashtuar 2- 3 ndërhyrje që kam bërë për të plotësuar boshllëqet që ishin krijuar./PanoramaSport
Struga vijon përgatitjet për ndeshjen ndaj lituanezëve të Zalgiris, në kuadër të raundit të parë të Champions League. Ditën e djeshme kampionia e Maqedonisë së Veriut, që ka në krye një emër si Shpëtim Duro, u mposht minimalisht nga Partizani në një miqësore mes kampionësh. Pas ndeshjes, për “Panorama Sport”, Duro foli për ndeshjen e Champions-it, si dhe analizoi përballjen me Partizanin, ku u shpreh i kënaqur nga skuadra e tij, pavarësisht disfatës.
Fituat titullin kampion dhe po përgatiteni për ndeshjen në Champions League. Si po shkon plani?
Kapitulli i titullit tashmë është i mbyllur dhe ne kemi nisur përgatitjet në Strugë për Kupat e Europës. Për skuadrat e Shqipërisë apo Maqedonisë nuk ka kundërshtarë të lehtë. Kundërshtari është favorit, por ne do të bëjmë të pamundurën, sepse kemi edhe ne shanset tona.
Si ju duk paraqitja e skuadrës?
Shumë e mirë, sidomos në pjesën e parë. Në pjesën e parë luajta me formacionin e parë. Edhe në pjesën e dytë bëmë mirë, pavarësisht golit të pësuar. Në pjesën e parë kishim 4-5 shanse për të shënuar. Edhe në pjesën e dytë, por në tërësi jam i kënaqur me skuadrën. Partizani ka shumë lojtarë në organikë. Ju e patë që ne në pjesën e dytë bëmë vetëm 3-4 ndërrime, Partizani ndryshoi thuajse gjithë skuadrën.
Struga nuk ka një eksperiencë të madhe europiane, por ju keni…
Struga nuk kishte përvojë as për t’u shpallur kampion. Ishte hera e parë në historinë e skuadrës. Shpresojmë të bëjmë mirë edhe në Kupat e Europës. Patjetër që është hera e parë. Nuk jemi ne favoritë, por brenda skuadrës, duke përfshirë edhe veten si trajner, kemi shumë përvojë në ndeshje ndërkombëtare. Kam disa futbollistë që kanë luajtur shumë ndeshje në Europë, prandaj edhe ne kemi shanset tona.
Do të vazhdojë Struga me afrimet?
Jo. Skuadra është 80-90% ajo e vitit të kaluar, duke përjashtuar 2- 3 ndërhyrje që kam bërë për të plotësuar boshllëqet që ishin krijuar./PanoramaSport
