Parlamenti Evropian voton raportin e prezantuar nga Knut Fleckenstein për Shqipërinë me 459 vota pro, 112 kundër.
Raporti i Raportuesit për Shqipërinë në Parlamentin Evropian, Knut Fleckenstein mori 62 abstenime.
“BE duhet të mbajë fjalën për hapjen e negociatave. Hapja negociatave do të ndodhë verën e ardhshme. Duhet të vijojë reforma në Drejtësi. Të ketë rezultate në luftën kundër krimit të organizuar.”- u shpreh Flancenstein.
Përmes një postimi në Twitter, Balla tha se raporti në fjalë është hartuar nga eurodeputeti Knut Fleckenstein. Mësohet se PE i ka dhënë mbështetje rekomandimit për çeljen e negociatave për në BE.
“Parlamenti Europian ka votuar me 459 vota pro në favor të raportit të vitit 2018 për Shqipërinë. Ky raport mbështet plotësisht rekomandimet e Komisionit Europian që lejon hapjen e negociatave në njohje të përpjekjeve për zbatimin e reformave të bëra nga Shqipëria”, shkruan Balla në rrjetin social.
