Parlamenti Federal i Belgjikës ka ndërmarrë masa shtesë për sigurinë.
Megjithatë, e ka mbajtur nivelin e kërcënimeve në shkallën e tretë, nga gjithsej katër shkallë.
Kjo është bërë me dije nga një zëdhënëse.
Ajo ka mohuar raportet se është rritur niveli i sigurisë për këtë institucion.
“Neve na është thënë të ndërmarrim masa shtesë të sigurisë, si nën tokë, ashtu edhe mbi tokë”, ka thënë zëdhënësja, duke shtuar se Parlamenti ka mbajtur nivelin e kërcënimeve në shkallën e tretë.
Belgjika e ka ngritur nivelin e vigjilencës për gjithë vendin në shkallën e tretë javën e kaluar, pas sulmeve terroriste.
