Sipas MeteoAlb moti i paqëndrueshëm do të na shoqërojë; përgjatë gjithë 24-orëshit në të gjithë vendin ku vranësirat dhe shirat do të jenë prezente, më të theksuara në zonat veriore dhe qendrore ku priten edhe rrebeshe; shoqëruar herë pas here me stuhi të forta ere.
Pjesa e dytë e ditës do të vijojë me vranësira dhe shira të pakët në zonat qendrore duke lënë dy ekstremet veri-jug me rrebeshe shiu.
Parashikohet që gjatë natës të ketë dobësim të ndjeshëm të intensitetit të shirave në të gjithë vendin. Temperaturat e ajrit do të mbeten të larta në mëngjes, pot rriten sërish në mesditë duke luhatur vlerat ditore nga 3°C deri në 21°C maksimalja në rang territori.
Era do të fryjë e fortë si në tokë dhe në det duke arritur shpejtësinë mbi 65 km/h nga drejtimi permanent Jugor; kjo do të bëjë që në det të gjenerohet dallgëzim 6 ballë.
Kosova
Territori i Kosovës përgjatë gjithë ditës; do të jetë me vranësira të dendura dhe reshje shiu e dëbore me intensitet të ulët dhe lokalisht mesatar. Më të dukshme reshjet do të paraqiten në zonat veriore dhe veriperëndimore të republikës së Kosovës. Parashikohet që edhe pasditja të vijojë në kushte të paqëndrueshme atmosferike ku vranësirat; herë pas here do të pësojnë zhvillime të përkohshme duke gjeneruar edhe rrebeshe shiu.
Përsa i përket; Temperaturave të ajrit do të rriten gjatë mëngjesit por edhe në mesditë duke luhatur vlerat ditore nga 0°C deri në 15°C. Era do të fryjë mesatare paradite, por deri e fortë gjatë pasdites duke arritur shpejtësinë maksimale 60 km/h nga drejtimi kryesisht Jugor.
Maqedonia e Veriut
Pjesa më e madhe e territorit të MV parashikohet që të jetë nën dominimin e kushteve të paqëndrueshme atmosferike, duke bërë që të ketë mbizotërim të vranësirave dhe reshjeve të shiut dhe dëborës në zona të thella malore; Më të dukshme reshjet priten në zonat Perëndimore dhe Jugperëndimore.
Ndërsa në vijim do të theksohen vranësirat edhe në veriperëndim të MV duke sjellë rrebeshe shiu si edhe stuhi të forta ere. Temperaturat e ajrit do të vijojnë të rriten si në vlerat minimale edhe në vlerat maksimale duke luhatur vlerat ditore nga 0°C deri në 17°C.
Ndërkohë parametri i erës do të pësojë rritje të intensitetit duke bërë që herë pas here të arrijë shpejtësinë 65 km/h nga drejtimi permanent Jugor.
Europa
Zhvillimi i ciklonit të Islandës ka bërë që pothuajse i gjithë kontinenti Europian të jetë nën ndikimin e vranësirave të dendura, të cilat do të gjenerojnë rrebeshe shiu.
Reshjet e shiut parashikohet që më të shumta të jenë në Europën Veriperëndimore, Europën Jugperëndimore si edhe gadishulli i Ballkanit ku rrebeshet e shiut do të shoqërohen herë pas here, me stuhi të forta ere.
Por me reshje të konsiderueshme dëbore dhe ngrica të theksuara do të paraqitet gadishulli Skandinav ndërsa nën ndikimin e motit të kthjellët dhe vranësirave të lehta do të jenë; gadishulli Peloponez, pjesërisht Europa Qendrore si edhe brigjet e detit të zi.
The post Parashikimi i motit, 24 Shkurt 2024 appeared first on 27.
